ٹائیگر شراف پر فائرنگ: پہلے سلمان خان کو نشانہ بنانے کا منصوبہ تھا، ملزمین کا انکشاف

بالی ووڈ اداکار ٹائیگر شراف پر فائرنگ کے معاملے میں نیا انکشاف ہوا ہے۔ قومی میڈیا کی رپورٹس کے مطابق، ملزمین نے پولیس کو بتایا کہ وہ پہلے سلمان خان کو نشانہ بنانا چاہتے تھے، لیکن ان کے گھر پر سخت سکیورٹی دیکھ کر منصوبہ بدل دیا۔ بعد ازاں مداحوں کے فیس بک پیج سے ٹائیگر شراف کی سرگرمیوں کا پتہ لگاکر انہیں نشانہ بنایا۔ پولیس نے ہریانہ کے دو شوٹرس اور بہار کے ایک شوٹر کو راجستھان میں



گرفتار کرکے ممبئی منتقل کیا ہے، جبکہ اسلحہ فراہم کرنے کے شبہ میں ہریانہ کے دو مردوں اور دو خواتین سمیت کنال نامی شخص کو بھی حراست میں لیا گیا ہے۔ لارنس بشنوئی گینگ سے وابستہ انیل پنڈت اور ہرمن سندھو نے فائرنگ کی ذمہ داری قبول کرنے کا دعویٰ کرتے ہوئے کہا کہ سلمان خان کے ساتھ کام کرنے والے افراد ان کے نشانے پر ہیں۔ ان کا دعویٰ ہے کہ ٹائیگر شراف کو پہلے فون پر دھمکی دی گئی تھی، تاہم انہوں نے اسے نظرانداز کیا۔