گورکھپور میڈیکل کالج کے سابق پرنسپل اور ڈاکٹر کفیل سمیت نو افراد کے خلاف مقدمہ درج

لکھنؤ/24اگسٹ (ایجنسی) اتر پردیش کے گورکھپور میڈیکل کالج میں گزشتہ 10-11 اگست کی رات کو بڑی تعداد میں بچوں کی مشتبہ حالات میں موت کے معاملے میں میڈیکل کالج کے اس وقت کے پرنسپل سمیت نو لوگوں کے خلاف مختلف الزامات میں مقدمہ درج کیا گیا ہے. معلوم ہو کہ گزشتہ 10-11 اگست کی رات کو گورکھپور میڈیکل کالج میں مشتبہ حالات میں کم از کم 30 بچوں کی موت ہو گئی تھی.

لکھنؤ زون



کے ایڈیشنل پولیس ڈائریکٹر جنرل نے جمعرات کو بتایا کہ طبی تعلیم محکمہ کے ڈائریکٹر جنرل کے. کے. گپتا کی تحریر پر گورکھپور میڈیکل کالج کے سابق پرنسپل ڈاکٹر آر. کے. مشرا، نوڈل افسر ڈاکٹر کفیل خان، میڈیکل کالج میں آکسیجن کی سپلائر کمپنی پشپا سیلز سمیت نو افراد کے خلاف دفعہ 120 بی (سازش کرنے)، 308 (غیر ارادتا قتل) ایکٹ کی متعلقہ دفعہ کے تحت کل رات حضرت گنج کوتوالی میں مقدمہ درج کروایا گیا ہے.