دس ریاستوں نے سی بی آئی سے تفتیش کی اجازت واپس لے لی:مرکزی وزیرمملکت جتیندر سنگھ

ذرائع:

نئی دہلی:مرکزی وزیر مملکت جتیندر سنگھ نے چہارشنبہ کو لوک سبھا میں ایک تحریری جواب میں کہا کہ دس ریاستوں نے سی بی آئی سے تفتیش کی اجازت واپس لے لی ہے۔ دہلی اسپیشل پولیس اسٹیبلشمنٹ (DSPE) ایکٹ 1946 کے سیکشن 6 کے تحت سی بی آئی کو متعلقہ ریاست سے رضامندی لینی پڑتی ہے۔

دہلی اسپیشل پولیس اسٹیبلشمنٹ ایکٹ، 1946 کے سیکشن 6 کے مطابق، سی بی آئی کو کسی معاملے کی



تحقیقات کے لئے متعلقہ ریاستی حکومتوں سے رضامندی کی ضرورت ہوتی ہے۔ ایسی صورت حال میں رضامندی واپس لینے کا مطلب ہے کہ سی بی آئی ریاستی حکومت کی اجازت کے بغیر ریاست میں کسی بھی معاملے کی جانچ نہیں کر سکے گی۔ دراصل، سی بی آئی دہلی اسپیشل پولیس اسٹیبلشمنٹ (DSPE) ایکٹ، 1946 کے تحت چلتی ہے۔ یہ قانون سی بی آئی کو دہلی پولیس کی ایک خصوصی شاخ بناتا ہے، اور اس طرح اس کا اصل دائرہ اختیار دہلی تک محدود رہتا ہے۔