تلنگانہ آر ٹی سی کی وضاحت: معذور افراد کے لیے مکمل مفت بس سفر سے متعلق خبریں بے بنیاد

ذرائع:

تلنگانہ آر ٹی سی نے  سوشل میڈیا پر  بسوں میں معذور افراد کے لیے مکمل مفت سفر کی سہولت سے متعلق گردش کرنے والی خبروں پر  وضاحت جاری کی ہے۔انتظامیہ کے مطابق حکومتِ تلنگانہ نے معذور افراد کے لیے بسوں میں سو فیصد مفت سفر کی کوئی نئی ہدایت جاری نہیں کی ہے اور سوشل میڈیا پر



پھیلائی جانے والی خبریں سراسر بے بنیاد ہیں۔تلنگانہ  آر ٹی سی نے خبردار کیا ہے کہ جھوٹی خبریں پھیلا کر عوام کو گمراہ کرنے والوں کے خلاف سخت فوجداری کارروائی کی جائے گی۔عوام سے اپیل کی گئی ہے کہ وہ ایسی افواہوں پر یقین نہ کریں۔ کسی بھی نئے فیصلے کی صورت میں سرکاری پریس ریلیز یا ٹی جی ایس آر ٹی سی کی سرکاری ویب سائٹ کے ذریعے اطلاع دی جائے گی۔