تلنگانہ میں پنچایتی انتخابات کے پہلے مرحلے کی نامزدگی کا عمل مکمل

تلنگانہ میں پنچایتی انتخابات کے پہلے مرحلے کے لیے نامزدگی داخل کرنے کی مدت ہفتہ کی شام ختم ہوگئی۔ اس مرحلے میں 4,236 گرام پنچایتوں اور 37,440 وارڈز کے لیے نامزدگیاں داخل کی گئیں۔ اتوار کو نامزدگیوں کی جانچ  کی جائے گی اور منظور شدہ امیدواروں کی فہرست جاری ہوگی۔  پیر کے دن



اپیلیں وصول کی جائیں گی اور 2 دسمبر کو ان پر فیصلے سنائے جائیں گے۔

3 دسمبر کو نامزدگیوں کی حتمی فہرست جاری کی جائے گی۔ پولنگ اور ووٹوں کی گنتی کے ساتھ نائب سرپنچ کے انتخابات 11 دسمبر کو ہوں گے۔ دوسرے مرحلے کے انتخابات کے لیے نامزدگی داخل کرنے کی مدت کل سے شروع ہو کر 2 دسمبر تک رہے گی، جس میں 193 منڈلوں کی 4,333 پنچایتیں اور 38,350 وارڈز شامل ہیں۔