تلنگانہ میں 28 سے 30 اکتوبر تک شدید بارشوں کا الرٹ، 6 اضلاع میں اورنج الرٹ جاری

خلیج بنگال میں ہوا کے کم دباؤ کا گہرا نظام شدت اختیار کر رہا ہے، جس کے 26 اکتوبر تک ’ارناب‘ نامی سمندری طوفان میں تبدیل ہونے کا امکان ہے۔ محکمہ موسمیات نے اس کے اثر سے تلنگانہ میں 28 سے 30 اکتوبر تک شدید بارشوں کا الرٹ جاری کیا ہے۔

جے شنکر بھوپال پلی، ہنمکنڈہ، محبوب آباد،



ورنگل، کھمم اور سدی پیٹ اضلاع کے لیے اورنج الرٹ جاری کیا گیا ہے، جہاں بعض مقامات پر انتہائی شدید بارش ہوسکتی ہے، جبکہ دیگر اضلاع کے لیے یلو الرٹ جاری کیا گیا ہے۔ حکام نے عوام کو چوکس رہنے، غیر ضروری طور پر گھروں سے باہر نہ نکلنے اور نشیبی علاقوں کے رہائشیوں کو محفوظ مقامات پر منتقل ہونے کا مشورہ دیا ہے۔