تلنگانہ: نامزد اسامیاں 15 مارچ سے پہلے پُر کی جائیں گی: مہیش کمار گوڑ

تلنگانہ پردیش کانگریس کمیٹی کے صدر مہیش کمار گوڑ نے کہا ہے کہ 15 مارچ سے پہلے نامزد عہدوں کو پُر کر دیا جائے گا۔ پارٹی کے اعلیٰ قائدین کے ساتھ اجلاس کے بعد میڈیا سے بات کرتے ہوئے انہوں نے بتایا کہ تلنگانہ کے تمام وزراء کے ساتھ کانگریس قیادت کی اہم میٹنگ ہوئی جس میں پارٹی کی تنظیمی سرگرمیوں اور جاری فلاحی اسکیموں پر تفصیل سے گفتگو کی گئی۔انہوں



نے کہا کہ حالیہ ضمنی انتخاب اور بلدی انتخابات کے نتائج پر راہل گاندھی نے مبارکباد دی ہے۔ مہیش کمار گوڑ نے دعویٰ کیا کہ ریاست کے تقریباً 80 فیصد عوام کانگریس کے ساتھ ہیں۔

انہوں نے بتایا کہ راہل گاندھی نے انٹیگریٹڈ رہائشی اسکولوں کے طریقۂ کار کے بارے میں بھی معلومات حاصل کیں۔ اس کے علاوہ راج گوپال ریڈی کے معاملے پر بھی اجلاس میں بات چیت ہوئی اور جلد ہی انہیں طلب کرتے ہوئے وضاحت کرنے کا فیصلہ کیا گیا ہے۔