تلنگانہ بلدی انتخابات: ووٹوں کی گنتی کل، سخت مقابلے کے درمیان نتائج پر سب کی نظریں

تلنگانہ میں بلدی انتخابات کے نتائج کو لے کر سیاسی حلقوں اور عوام میں شدید تجسس پایا جا رہا ہے، جہاں بیشتر بلدیات اور میونسپل کارپوریشنوں میں کانگریس، بی آر ایس اور بی جے پی کے درمیان سخت مقابلہ دیکھنے میں آیا ہے، جبکہ بعض مقامات پر مجلس اتحادالمسلمین کی موجودگی نے مقابلے کو سہ رخی بنا دیا ہے۔ریاست کی 116 بلدیات اور 7 میونسپل کارپوریشنوں میں 11 فروری کو پولنگ مکمل ہوئی تھی



اور کل جمعہ کو صبح 8 بجے سے ووٹوں کی گنتی شروع ہوگی، جس کے بعد دوپہر تک نتائج سامنے آنے کی توقع ہے۔ سیاسی مبصرین کے مطابق کئی وارڈز میں معمولی ووٹوں کا فرق ہی جیت اور شکست کا فیصلہ کرے گا، اسی لیے امیدوار کھل کر کامیابی کا دعویٰ کرنے سے گریزاں ہیں۔

حکام نے گنتی کے مراکز پر سخت سیکورٹی انتظامات مکمل ہونے کا دعویٰ کیا ہے، جبکہ عوام اور سیاسی جماعتوں کی نظریں ان نتائج پر مرکوز ہیں جو تلنگانہ کی آئندہ بلدی سیاست کی سمت متعین کریں گے۔