تلنگانہ 4 فروری 2026 (اعتماد نیوز) تلنگانہ کے بلدی انتخابات میں مجموعی طور پر 12,993 امیدواروں کے میدان میں ہونے کی بات ریاستی الیکشن کمیشن نے بتائی ہے۔ ریاست کی 7 کارپوریشنوں اور 116 میونسپلٹیوں کے تحت آنے والے 2,996 وارڈز میں
انتخابات منعقد کیے جا رہے ہیں، جہاں ہر وارڈ میں اوسطاً چار امیدوار انتخابی مقابلے میں حصہ لے رہے ہیں۔الیکشن مہم 9 فروری کو اختتام پذیر ہوگی، جبکہ 11 فروری کو ووٹنگ ہوگی۔ ووٹوں کی گنتی کے بعد 13 تاریخ کو انتخابی نتائج کا اعلان کیا جائے گا۔