کوما میں تلنگانہ انجینئر کی سعودی عرب سے حیدرآباد منتقلی

ذرائع:

تلنگانہ کے ایک سافٹ ویئر انجینئر، جو تقریباً تین ماہ سے سعودی عرب میں کوما میں تھے،ان  کو تلنگانہ حکومت کی مداخلت کے بعد سی ایم پراواسی پرجاوانی (CM Pravasi Prajavani) اسکیم کے تحت اتوار، 12 اکتوبر کو ایئر لفٹ کے ذریعے حیدرآباد منتقل کیا گیا۔ لوکنی کرشنا مُرتھی، جن کی عمر 35 سال ہے اور جو حسنباد اسمبلی حلقہ کے الکاتورتی گاؤں کے رہنے والے ہیں، 23 جولائی کو سعودی عرب میں کام کے دوران برین ہیمرج کا شکار ہو گئے تھے۔ انہیں ریاض کے ایس ایم سی اسپتال میں داخل کیا گیا، جہاں ڈاکٹروں نے ہائی بلڈ پریشر کے باعث ہونے والی دماغی تنوں کی



شدید چوٹ کی وجہ سے وینٹی لیٹر پر رکھا تھا۔ ان کے والد لوکنی سوریاہ نے 9 ستمبر کو سی ایم پراواسی پرجاوانی پلیٹ فارم کے ذریعے درخواست دی، جس کے بعد ٹرانسپورٹ اور بی سی ویلفیئر کے وزیر پونّم پربھاکر نے معاملے کو ریاض میں بھارتی سفارتخانے کے ساتھ اٹھایا۔ وزیر کی مداخلت کے بعد، ریاستی حکومت نے سفارتخانے اور سعودی حکام کے ساتھ رابطہ کر کے ان کی طبی منتقلی کو یقینی بنایا۔ مرُتھی کو ان کی اہلیہ اشوینی اور ایک میڈیکل ٹیم کے ساتھ سعودی ایئر لائنز کی پرواز کے ذریعے حیدرآباد لایا گیا۔ وہ پیر، 13 اکتوبر کی صبح حیدرآباد پہنچنے والے ہیں، جہاں انہیں دکن اسپتال میں خصوصی علاج کے لیے داخل کیا جائے گا۔