تلنگانہ: ڈپٹی سی ایم بھٹی وکرامارکا کا ملازمین کے بقایاجات جلد ادا کرنے کا اعلان

ذرائع:

تلنگانہ: ڈپٹی چیف منسٹر بھٹی وکرامارکا نے کہا کہ سرکاری ملازمین کو دی جانے والی تین ڈی اے بقایاجات کو سابقہ حکومت نے زیر التوا رکھا تھا، جنہیں جلد ادا کیا جائے گا۔اسمبلی میں خطاب کرتے ہوئے انہوں نے کہا کہ سابقہ حکومت نے ملازمین کے ریٹائرمنٹ فوائد بھی ادا نہیں کیے، اور انہی واجبات کی ادائیگی سے بچنے کے لیے ریٹائرمنٹ کی عمر میں اضافہ کیا گیا، جس کا اضافی بوجھ موجودہ حکومت پر پڑا ہے۔انہوں نے مزید کہا کہ سابق



حکومت نے مجموعی طور پر 40,154 کروڑ روپے کے بل زیر التوا چھوڑے، جبکہ ملازمین کے 4,571 کروڑ روپے کے بقایاجات بھی باقی رکھے گئے۔ ڈپٹی چیف منسٹر نے یقین دہانی کرائی کہ حکومت جلد از جلد ملازمین کے تمام بقایاجات ادا کرے گی۔ انہوں نے کہا کہ انسانی ہمدردی کے جذبے کے تحت کانگریس حکومت نے اقتدار میں آنے کے بعد ہر ماہ کی پہلی تاریخ کو تنخواہوں کی بروقت ادائیگی کو یقینی بنایا ہے۔انہوں نے یہ بھی بتایا کہ ملازمین کو کیش لیس ہیلتھ کارڈز فراہم کیے جا رہے ہیں تاکہ انہیں بہتر طبی سہولتیں میسر آ سکیں۔