تلنگانہ وفد مدینہ میں سرگرم، جاں بحق افراد کے اہلِ خانہ کی مکمل رہنمائی اور تعاون جاری

ذرائع:

حکومتِ تلنگانہ کی ہدایات کے مطابق سرکاری وفد نے دوران عمرہ حادثے میں جان بحق افراد کے اہلِ خانہ کا خیرمقدم کیا۔ وزیر محمد اظہرالدین، مجلس اتحاد المسلمین کے رکن اسمبلی محمد ماجد حسین  اور اقلیتی بہبود کے سکریٹری بی. شفیع اللہ حکومتِ تلنگانہ کی ہدایات کے مطابق تمام اقدامات انتہائی احتیاط، سنجیدگی اور ذمہ داری کے ساتھ انجام دیے رہے ہیں۔ انہوں نے جاں بحق افراد کے اہلِ خانہ کا بھی خیرمقدم کیا جو مدینہ پہنچے ہیں تاکہ تدفین میں حصہ لے سکیں۔ ان کے سفر، رہائش اور دیگر تمام تر انتظامات ان کی براہِ راست نگرانی میں بخوبی



انجام دیے جا رہے ہیں، اور میتوں کی شناخت اور ڈی این اے میچنگ کے عمل میں بھی مسلسل سہولت فراہم کی جا رہی ہے۔ سرکاری وفد سعودی حکام کے ساتھ چوبیس گھنٹے رابطے میں ہے تاکہ تمام سرکاری کارروائیاں جلد از جلد مکمل ہو سکیں اور آخری رسومات مقامی ضابطوں اور اہلِ خانہ کی خواہشات کے مطابق انجام دی جا سکیں۔ قابلِ ذکر بات یہ ہے کہ وفد نے سعودی عرب میں اپنے ذاتی روابط اور نیک نامی کو بھی بروئے کار لاتے ہوئے تمام رسمی کارروائیوں، اجازت ناموں اور ضروری انتظامات کو جلد از جلد مکمل کرنے میں اہم کردار ادا کیا ہے۔ ان کی فعال کوششوں اور عملی نگرانی نے مختلف ایجنسیوں کے ساتھ ہم آہنگی کو بہت زیادہ مؤثر بنایا ہے۔