نفرت انگیز تقاریر کے خلاف قانون لانے کا اعلان، اسمبلی میں بل پیش ہوگا: ریونت ریڈی

چیف منسٹر ریونت ریڈی نے اعلان کیا ہے کہ نفرت انگیز تقاریر پر قابو پانے کے لیے آئندہ اسمبلی اجلاسوں میں قانون پیش کیا جائے گا۔ انہوں نے کہا کہ سماجی ہم آہنگی، امن و امان اور سرمایہ کاری کے فروغ کے لیے ایسی تقاریر کو روکنا بے حد ضروری ہے۔ حیدرآباد میں جمعیۃ علمائے ہند کے اجلاس سے خطاب کرتے ہوئے انہوں نے ملک کی ترقی کے لیے سب کے مل جل کر آگے بڑھنے کی ضرورت پر زور دیا۔انہوں نے یاد دلایا کہ سابق چیف



منسٹر وائی ایس راج شیکھر ریڈی نے اقلیتوں کو چار فیصد ریزرویشن فراہم کئے تھے اور یہ معاملہ اس وقت سپریم کورٹ میں زیرِ سماعت ہے، جس کی سماعت کے دوران اقلیتی آبادی کے اعداد و شمار پیش کئے جائیں گے۔ ریونت ریڈی نے اقلیتوں کو تعلیم پر توجہ دینے کا مشورہ دیتے ہوئے یقین دہانی کرائی کہ چار فیصد ریزرویشن کے نفاذ کے لیے حکومت سنجیدہ کوشش کرے گی، اور کہا کہ اقلیتوں کی حمایت سے ہی تلنگانہ میں کانگریس حکومت قائم ہوئی ہے۔