تلنگانہ کابینہ میں ردوبدل کا امکان، 7-10 دنوں کے اندر تبدیلیاں متوقع

تلنگانہ 29 نومبر 2025 (اعتماد نیوز) تلنگانہ میں بہت جلد کابینہ کی از سرِ نو تشکیل یا ردوبدل کا امکان ہے اور ذرائع کے مطابق آئندہ ایک ہفتے سے دس دن کے اندر تبدیلیوں کا اعلان کیا جا سکتا ہے۔ باوثوق اطلاعات کے مطابق 4 تا 5 وزراء کو کابینہ سے ہٹانے اور متعدد نئے چہروں کو شامل کرنے پر غور جاری ہے۔سیاسی حلقوں میں کومٹ ریڈی راجگوپال ریڈی کے کابینہ میں شامل ہونے کے امکانات مضبوط بتائے جا رہے ہیں، جبکہ وزیر جوپلی کرشنا راؤ اور وزیر کونڈا سریکھا کی چھٹی کی قیاس آرائیاں جاری ہیں۔ اُتم کمار



ریڈی کی اہلیہ پدماوتی کو کابینہ میں شامل کرنے کی تجاویز زیر غور ہیں۔ذرائع کے مطابق کومٹ ریڈی وینکٹ ریڈی اور پونم پربھاکر کو دہلی میں اے آئی سی سی کی اہم ذمہ داریاں سونپے جانے کا امکان ہے، جبکہ مہیش کمار گوڑ کو کابینہ میں شامل کرنے کی باتیں زوروں پر ہیں۔ اسی کے ساتھ پی سی سی چیف کے عہدے میں تبدیلی اور سریدر بابو کو نیا صدر و ممکنہ وزیر داخلہ بنانے پر بھی تبادلۂ خیال جاری ہے۔کابینہ ردوبدل، نئی تقرریاں اور سیاسی تبدیلیوں کے فیصلے آئندہ چند دنوں میں سامنے آنے کی توقع ہے۔