تلنگانہ کابینہ کا حیدرآباد میٹرو کو ایل اینڈ ٹی سے تحویل میں لینے کا فیصلہ

ذرائع:

تلنگانہ کابینہ نے حیدرآباد میٹرو ریل کو ایل اینڈ ٹی کمپنی سے مکمل طور پر اپنے قبضے میں لینے کا فیصلہ کیا ہے۔ ریاستی حکومت پہلے ہی اس سلسلے میں اعلان جاری کر چکی ہے اور تحویل کے عمل کی نگرانی کے لیے وزارتی ذیلی کمیٹی تشکیل دی گئی ہے۔ڈپٹی چیف منسٹر بھٹی وکرم آرک کی قیادت میں قائم اس کمیٹی میں وزراء اٹم کمار ریڈی، شری دھر بابو اور جوپلی کرشنا



راؤ شامل ہیں۔ گزشتہ سال اصولی طور پر طے پانے والے معاہدے کے مطابق حکومت دو ہزار کروڑ روپے کی ایکویٹی یکمشت ایل اینڈ ٹی کو ادا کرے گی، جبکہ تقریباً تیرہ ہزار کروڑ روپے کے قرضے اپنے ذمے لے گی۔ اسی مفاہمت کے بعد تحویل کا عمل شروع کیا گیا تھا۔میٹرو کے اثاثوں اور ان کی مالیت کا جائزہ آئی ڈی بی آئی کیپیٹل کے ذریعے لیا جا رہا ہے، جب کہ ریل گاڑیوں، پٹریوں اور سگنلنگ نظام سمیت تکنیکی پہلوؤں کا بھی تفصیلی جائزہ جاری ہے۔