تلنگانہ بار کونسل انتخابات: چیئرمین، وائس چیئرمین اور بی سی آئی رکن کے لیے 11 امیدوار میدان میں

ذرائع:

تلنگانہ اسٹیٹ بار کونسل کے عہدوں کے لیے انتخابی عمل شروع ہوگیا ہے۔ بار کونسل نے جانچ پڑتال کے بعد درست قرار دیے گئے نامزدگی فارموں کی فہرست جاری کردی ہے۔ چیئرمین، وائس چیئرمین اور تلنگانہ سے بار کونسل آف انڈیا کے رکن کے عہدے کے لیے مجموعی طور پر 11 امیدواروں کی نامزدگیاں درست قرار دی گئی ہیں۔چیئرمین کے عہدے کے لیے پونم اشوک گوڑ، ٹی. ہنمنت ریڈی اور سمل رام ریڈی میدان میں ہیں۔



وائس چیئرمین کے عہدے کے لیے راماراؤ گوکل، وینکٹ یادو چالکانی اور ذاکر حسین جاوید کی نامزدگیاں درست قرار دی گئی ہیں۔اسی طرح تلنگانہ سے بار کونسل آف انڈیا کے رکن کے عہدے کے لیے پانچ امیدوار انتخابی میدان میں ہیں۔ ان میں اننت سین ریڈی آکولا، جی. انیل کرن کمار، ڈی. جگدیشور راؤ، جی. کرن کمار اور سجاتا پاشم شامل ہیں۔ تلنگانہ بار کونسل کے سکریٹری نے تینوں عہدوں کے امیدواروں کے ناموں پر مشتمل فہرست جاری کردی ہے۔