تلنگانہ: ماہِ رمضان اور عیدالفطر کی تیاریوں کے سلسلے میں ایک اہم اجلاس

تلنگانہ سکریٹریٹ میں ماہِ رمضان اور عیدالفطر  کی تیاریوں کے سلسلے میں ایک اہم جائزہ اجلاس منعقد ہوا، جس کی صدارت وزیرِ اقلیتی بہبود محمد اظہرالدین نے کی۔

اجلاس میں رمضان المبارک کے دوران عوام کو بہتر سہولتیں فراہم کرنے کے انتظامات کا تفصیلی جائزہ لیا گیا۔ اس موقع پر ہوٹلوں کو سحری تک دیر رات کھلا رکھنے کی اجازت، صفائی و حفظانِ صحت، پینے کے پانی کی فراہمی، نکاسیٔ آب، سیکیورٹی انتظامات، بلا تعطل برقی سربراہی اور دیگر بنیادی سہولتوں پر تبادلۂ خیال کیا گیا



تاکہ عبادت گزاروں کو پرامن اور سہل ماحول میسر آ سکے۔

اجلاس میں حکومت کے مشیر محمد علی شبیر، محکمہ اقلیتی بہبود کے سکریٹری بی شفیع اللہ، چارمینار کے رکنِ اسمبلی میر ذوالفقار علی، وقف بورڈ کے چیئرمین عظمت اللہ حسینی ؛ ٹمریز کے نائب صدر فہیم قریشی سمیت مختلف محکموں کے سینئر عہدیداران نے شرکت کی وزیر اقلیتی بہبود محمد اظہرالدین نے متعلقہ محکموں کو ہدایت دی کہ رمضان المبارک اور عیدالفطر کے دوران عوامی سہولتوں، امن و امان اور انتظامی امور میں کسی بھی قسم کی کوتاہی نہ ہونے دی جائے۔