گستاخِ رسولؐ تسلیمہ نسرین کے خلاف کولکتہ میں احتجاج، تقریب میں نعرے بازی

کولکتہ: جلاوطن بنگلہ دیشی مصنفہ تسلیمہ نسرین کی کولکتہ میں ایک ثقافتی تقریب کے دوران مختصر احتجاج دیکھنے میں آیا۔ یہ واقعہ یکم اگست 2026 کو اُس وقت پیش آیا جب تسلیمہ نسرین نے معروف بنگالی شاعر جوئے گوسوامی کو اسٹیج پر مدعو کیا۔اس دوران تقریب میں موجود چند افراد نے احتجاج کرتے ہوئے نعرے بازی کی، جس سے کچھ دیر کے



لیے پروگرام میں خلل پڑا۔ تاہم منتظمین نے فوری مداخلت کرتے ہوئے صورتحال کو قابو میں کیا، جس کے بعد تقریب دوبارہ معمول کے مطابق جاری رہی۔ واضح رہے کہ تسلیمہ نسرین اپنی متنازع تحریروں کے باعث طویل عرصے سے جلاوطنی کی زندگی گزار رہی ہیں، اور ان کی عوامی تقریبات میں شرکت پر ماضی میں بھی مختلف حلقوں کی جانب سے احتجاج سامنے آتا رہا ہے۔