کیندریہ ودیالیہ میں ممبران پارلیمنٹ کے کوٹہ کو بڑھانے کے لیے تمام پارٹیوں سے بات چیت کی جائے گی

نئی دہلی، 21 مارچ (یو این آئی) لوک سبھا اسپیکر اوم برلا نے کہا کہ تمام پارٹیوں کے ساتھ مشاورت کے بعد کیندریہ ودیالیہ میں ایم پی کوٹہ بڑھانے کے لیے متعلقہ وزیر سے بات چیت کے بعد حتمی فیصلہ کیا جائے گا ایوان میں وقفہ سوالات کے دوران کانگریس کے منیش تواری، کے سریش، ترنمول کانگریس کی مہوا موئترا اور کچھ دیگر ارکان نے یہ مسئلہ اٹھایا اس پر وزیر تعلیم دھرمیندر پردھان نے کہا کہ وہ سمجھتے ہیں کہ اس موضوع کو لے کر عوامی نمائندوں پر دباؤ ہے، لیکن یہ درست معاملہ نہیں ہے۔ انہوں نے کہا کہ پہلے یہ کوٹہ



دو سیٹوں کا تھا جو بعد میں پانچ سیٹوں کا ہو گیا اور اب 10 ہو گیا ہے۔

انہوں نے کہا کہ تعلیم بنیادی طور پر ریاست کا موضوع ہے۔ ابتدائی طور پر مرکزی شعبے میں کام کرنے والے ملازمین کے نقطہ نظر سےکیندریہ ودیالیہ کھولنے کی بات کی گئی تھی کیونکہ ان ملازمین کا تبادلہ ہوتا رہتا ہے۔ دھیرے دھیرے ان میں توسیع ہوتی گئی اور پچھلے 50-60 سالوں میں کیندریہ ودیالیہ اور جواہر نوودیا ودیالیوں نے ملک میں وقار حاصل کیا ہے۔ وہ دیہی علاقوں اورٹائر-2 اورٹائر- 3 شہروں میں اچھی کارکردگی کا مظاہرہ کر رہے ہیں جس سے ان میںکشش بھی ہے۔