اتر پردیش 17 دسمبر 2025 (اعتماد نیوز) اترپردیش میں ایک مسلم سب انسپکٹر آفاق خان کو کالج میں لڑکیوں کو پیغمر اسلام کی تعلمیات دینے پر عہدہ سے ہٹا دیا گیا ۔بتایا گیا ہے کہ کنوج کے ایک انٹر کالج میں منعقدہ پروگرام کے دوران بیٹیوں سے متعلق اسلام کی تعلیمات پر خطاب کرتے ہوئے سب انسپکٹر آفاق خان نے
پیغمبر محمد ﷺ کی تعلیمات کا ذکر کیا، جس پر ہندوتوا تنظیموں نے اعتراض کیا۔ وشو ہندو پریشد اور بجرنگ دل نے اس معاملے میں ایس پی سے شکایت کرتے ہوئے کہا کہ وردی میں کسی مخصوص مذہب کی بات کرنا آئین کے خلاف ہے۔ویڈیو وائرل ہونے کے بعد ٹریفک سب انسپکٹر آفاق خان کو ان کے عہدہ سے ہٹا کر ہیڈکواٹر میں رپورٹ کرنے کی ہدایت دی گئی۔