جامعہ ملیہ میں آر ایس ایس پروگرام کے خلاف طلبہ کا احتجاج

ذرائع:

جامعہ ملیہ اسلامیہ میں منگل کے روز 50 سے زائد طلبہ نے کیمپس میں احتجاج کیا، جو راشٹریہ سویم سیوک سنگھ (آر ایس ایس) کی صد سالہ تقریبات کے تحت منعقدہ پروگرام کے خلاف تھا۔ طلبہ نے نعرے بازی کرتے ہوئے پلے کارڈز اٹھا رکھے تھے ۔بھاری پولیس اور ریاپڈ ایکشن فورس کی موجودگی میں مظاہرین نے "انقلاب زندہ باد" کے نعرے لگائے اور آر ایس ایس کے عہدیداروں سے فوری طور



پر کیمپس چھوڑنے کا مطالبہ کیا۔ احتجاج کے دوران طلبہ کا کہنا تھا کہ وہ آڈیٹوریم کے باہر پرامن طور پر اپنی مخالفت جاری رکھے ہوئے ہیں۔یہ احتجاج بائیں بازو کی طلبہ تنظیموں SFI اور AISA کی جانب سے کیا گیا۔ طلبہ نے یونیورسٹی انتظامیہ پر دوہرے معیار کا الزام لگاتے ہوئے کہا کہ بعض گروپوں کو پروگرام کی اجازت دی جاتی ہے جبکہ دیگر کو محدود کیا جاتا ہے۔ انہوں نے اعلان کیا کہ وہ مستقبل میں بھی ایسے پروگراموں کی مخالفت جاری رکھیں گے۔