گجرات میں 108 مزاروں کوتوڑدیا گیا ہے:ریاستی وزیر داخلہ ہرش شنگھوی کامتنازعہ بیان

ذرائع:

گجرات:گجرات میں 108 مزاروں کوتوڑدیا گیا ہے اور یہ کارروائی آگے بھی جاری رہے گی۔گجرات کے وزیر داخلہ ہرش شنگھوی نے اسمبلی میں یہ بات کہی۔ سنگھوی نے کہا کہ حکومت سازش کے تحت ہونے والی کسی بھی تجاوزات کے خلاف اسی طرح کی کارروائی کرتی رہے گی۔ 1 گھنٹہ 40 منٹ کی تقریر میں گجرات کے وزیر داخلہ نے کہا کہ پورے گجرات میں حکومت کا بلڈوزر چلے گا۔

ہوم اور ٹرانسپورٹ محکموں کے بجٹ کے مطالبات پر بحث کے دوران سنگھوی نے کہا کہ دادا (چیف منسٹر بھوپیندر پٹیل) کا بلڈوزر گجرات کے کونے کونے میں گھوم رہا ہے۔ یہ بلڈوزر کہاں جائے گا کوئی نہیں جانتا۔ گجرات کے وزیر داخلہ نے یہ بھی کہا کہ یہ کارروائی اس لئے کی جا رہی ہے تاکہ کوئی



مندر یا عبادت گاہ کسی سازش کے تحت نہ ہٹائی جا سکے۔

سنگھوی نے مزید کہا کہ بھوپیندر پٹیل کی حکومت ریاست میں مندروں کو بچانے کے لیے پراعتماد ہے۔ دادا کا یہ بلڈوزر 20 فٹ چوڑی سڑک اور 80 میٹر چوڑی سڑک میں داخل ہو سکتا ہے۔ سنگھوی نے کہا کہ دادا کابلڈوزر سازش کے حصہ کے طور پر تجاوزات کو منہدم کرنے کے لئے ہمیشہ تیار ہے۔

سنگھوی نے کہا کہ معلوم نہیں اتنے مزارات کیسے بنے۔ جوناگڑھ کے اپرکوٹ کا ذکر کرتے ہوئے انہوں نے کہا کہ یہ نہیں معلوم کہ یہاں کب اور کتنے مزار بنے۔ گجرات میں مجموعی طور پر 108 مزارات کوتوڑدیاگیا ہے اور ریاستی املاک کو تجاوزات سے آزاد کرایا گیا ہے۔ اس کے علاوہ ہرش سنگھوی نے کہا کہ سومناتھ کے آس پاس کی تجاوزات کو بھی ہٹا دیا گیا ہے۔