حیدرآباد 2 اپریل 2026 (اعتماد نیوز) محکمہ بلدی نظم و نسق کے اسپیشل چیف سیکریٹری جیش رنجن نے کے بی آر پارک فلائی اوور کے کام میں تیزی لانے کی ہدایت دی ہے۔انہوں نے جوبلی ہلز چیک پوسٹ تک فیلڈ معائنے کے دوران منصوبے کی پیش رفت کا جائزہ لیا، جس میں جی ایچ ایم سی کمشنر اور چیف
انجینئر بھی موجود تھے۔حکام نے ہدایت دی کہ منصوبے کیلئے وقت مقررہ ایکشن پلان بنایا جائے، ہفتہ وار جائزہ لیا جائے اور تعمیراتی رفتار بڑھانے کیلئے اضافی مشینری اور افرادی قوت استعمال کی جائے۔تعمیراتی کمپنی کو بھی مزید وسائل متحرک کرنے کی ہدایت دی گئی ہے تاکہ فلائی اوور جلد مکمل ہو سکے۔