دفعہ 370 کی منسوخی کے 6 برس بعد بھی صور تحال بدتر : محبوبہ مفتی

جموں ، 02 اگست (یو این آئی) پیپلز ڈیمو کریٹک پارٹی (پی ڈی پی) کی صدر اور سابق وزیر اعلیٰ محبوبہ مفتی نے بی جے پی زیر قیادت مرکزی حکومت کی جموں و کشمیر پالیسی کو شدید تنقید کا نشانہ بناتے ہوئے کہا ہے کہ دفعہ 370 کو منسوخ کرنے کی پالیسی مکمل طور پر ناکام ہو چکی ہے جموں میں ہفتے کے روز صحافیوں سے بات کرتے ہوئے محبوبہ مفتی نے



کہا: پانچ اگست 2019 کو جموں و کشمیر کی خصوصی حیثیت ختم کی گئی اور دعویٰ کیا گیا کہ اب سب کچھ بہتر ہوگا۔

لیکن آج چھ برس گزرنے کے بعد حالات بتارہے ہیں کہ یہ پالیسی ناکام ہو چکی ہے۔

انہوں نے کہا کہ جموں و کشمیر کی اندرونی صورتحال میں بہتری کے بجائے مزید بگاڑ آیا ہے اور ، روزانہ کی بنیاد پر گرفتاریوں سے عوامی فضا پر منفی اثر پڑا ہے۔