تلنگانہ میں شدید گرمی اور بارش، رنگاریڈی سمیت چار اضلاع کے لیے یلو الرٹ جاری

تلنگانہ 26 فروری 2026 (اعتماد نیوز) تلنگانہ میں ان دنوں عجیب و غریب موسم دیکھنے میں آ رہا ہے۔ ایک طرف شدید گرمی ہے تو دوسری جانب بارش بھی ہو رہی ہے۔ حیدرآباد کے محکمہ موسمیات کے مطابق آج رنگاریڈی، وقارآباد، میدک اور



کاماریڈی اضلاع میں ہلکی سے معتدل بارش کا امکان ہے۔ ان اضلاع کے لیے یلو الرٹ جاری کیا گیا ہے۔محکمہ موسمیات نے خبردار کیا ہے کہ آئندہ 24 گھنٹوں کے دوران آسمان ابر آلود رہے گا، جبکہ صبح اور رات کے اوقات میں دھند پڑنے کا بھی امکان ہے۔