دہلی میں دہشت گردی کے خدشے پر سکیورٹی سخت

دہلی 21 فروری 2026 (اعتماد نیوز) قومی دارللحکومت دہلی میں  دہشت گرد حملے کا اندیشہ ظاہر کرتے ہوئے سیکورٹی سخت کردی گئی ہے خفیہ ذرائع نے خبردار کیا ہے کہ دہلی کو دہشت گردی کا خطرہ لاحق ہے، جس کے بعد حفاظتی اداروں کو انتہائی چوکس رہنے کی ہدایت دی گئی ہے۔ اطلاعات کے مطابق ایک دہشت گرد تنظیم کی جانب سے بڑے دھماکوں کی سازش کی خبر ملی ہے۔خاص طور پر لال



قلعہ اور چاندنی چوک کے مندر کے اطراف دھماکوں کی منصوبہ بندی کی اطلاع کے بعد حفاظتی انتظامات مزید سخت کر دیے گئے ہیں۔مرکزی خفیہ ادارے کی تنبیہ کے بعد دہلی بھر میں کڑی نگرانی شروع کر دی گئی ہے۔ اہم شخصیات کے علاقوں میں اضافی اہلکار تعینات کر دیے گئے ہیں اور حساس مقامات پر چوکسی بڑھا دی گئی ہے۔حفاظتی ادارے کسی بھی ناخوشگوار واقعے سے نمٹنے کے لیے پوری طرح مستعد ہیں۔