سکندرآباد: بنسی لال پیٹ میں 20 فٹ سڑک کی بحالی، غیر قانونی تعمیرات ہٹائی گئیں

ذرائع:

سکندرآباد، بنسی لال  پیٹ علاقہ کے نیو بھوئی گڑہ رہائشیوں کو ہائیڈرا نے بڑی سہولت فراہم کی ہے۔ 20 فٹ چوڑی سڑک پر عمارت کی غیر قانونی تعمیرات کو ہٹایا گیا، جس سے راستہ دوبارہ کھل گیا۔ مقامی رہائشیوں نے بتایا کہ پہلے چھوٹے دکانوں کے ذریعے روزگار حاصل کرنے والے افراد کو برداشت کیا جاتا تھا، لیکن اب ایک مکمل گھر تعمیر کیا جا رہا تھا جس نے 20 فٹ چوڑی سڑک کے نصف سے زائد حصے پر قبضہ کر لیا تھا۔ اس کے نتیجے میں نہ صرف گاڑیوں کی آمدورفت



متاثر ہوئی بلکہ پیچھے موجود گھروں کے لیے کوئی متبادل راستہ بھی میسر نہیں تھا۔رہائشیوں نے اس سلسلے میں جی ایچ ایم سی میں بھی شکایت درج کروائی۔ ہائیڈرا نے مقامی لوگوں کی شکایت کی بنیاد پر صورتحال کا جائزہ لیا اور تصدیق کی کہ یہ تعمیرات کسی بھی قانونی اجازت کے بغیر کی گئی ہیں۔بدھ کے روز ہائیڈرا کی ٹیم نے عمارت کے زیر تعمیر حصے کو ہٹایا اور 20 فٹ کی سڑک کو کھولا، جس سے دوبارہ گاڑیوں کی آمدورفت ممکن ہو گئی۔ مقامی رہائشیوں نے ہائیڈرا کی فوری کارروائی پر خوشی کا اظہار کیا اور شکایت پر فوری عملدرآمد کو سراہا۔