ذرائع:
پارٹی وہپ کی خلاف ورزی کرنے پر تلنگانہ کے سنگاریڈی ضلع کی اسناپور بلدیہ کی 8ویں وارڈ کی کونسلر مادھوی نریندر ریڈی کو نااہل قرار دے دیا گیا ہے۔ حکام نے ان کی رکنیت منسوخ کرنے کا اعلان کیا۔ مادھوی کانگریس کے ٹکٹ پر منتخب ہوئی تھیں، تاہم چیئرپرسن کے انتخاب کے دوران انہوں نے مبینہ طور پر کراس ووٹنگ کرتے
ہوئے بی آر ایس کی تائید کی۔ اس سلسلے میں کانگریس ضلع صدر نرملا جگا ریڈی نے کلکٹر سے شکایت کی تھی، جس کے بعد تحقیقات کر کے انہیں نااہل قرار دیا گیا۔اس میونسپلٹی میں کل 26 وارڈ ہیں، جن میں 10 کانگریس، 12 بی آر ایس اور 4 آزاد امیدوار کامیاب ہوئے تھے۔ تین آزاد ارکان نے کانگریس کی حمایت کی تھی، تاہم مادھوی کی کراس ووٹنگ سے سیاسی صورتحال بدل گئی۔جس کی وجہ سے ان کے خلاف کارروائی کی گئی۔