سمیر وانکھیڑے کا ریڈ چلیز اور گوری خان پر ہتک عزت کا مقدمہ

این سی بی کے معروف سابق افسر سمیر وانکھیڑے نے ریڈ چلیز انٹرٹینمنٹ، گوری خان اور دیگر کے خلاف دہلی ہائی کورٹ میں ہتک عزت کا مقدمہ دائر کیا ہے۔ نیٹ فلکس پر جاری ہونے والی دستاویزی سیریز "بیڈز آف بالی ووڈ" میں مبینہ طور پر انہیں منفی اور جھوٹی تصویر میں پیش کرنے پر ان کے خلاف مقدمہ درج کیا گیا ہے۔ وانکھیڑے نے عدالت سے ہرجانے کے طور پر 2 کروڑ روپے مانگے ہیں، جو وہ ٹاٹا میموریل کینسر ہسپتال کو عطیہ کرنے کا ارادہ رکھتے ہیں۔

مقدمہ درج



کیا گیا ہے جس میں الزام لگایا گیا ہے کہ سیریز میں دکھایا گیا مواد نہ صرف جھوٹا اور گمراہ کن ہے بلکہ اس کا مقصد سمیر وانکھیڑے کی ساکھ کو داغدار کرنا اور عوام میں ان کی منفی شبیہ پیدا کرنا ہے۔ وانکھیڑے نے ریڈ چلیز انٹرٹینمنٹ، گوری خان اور دیگر کے خلاف عدالت سے مستقل حکم امتناعی بھی طلب کیا ہے، تاکہ مبینہ "بد نیتی پر مبنی، جھوٹی اور ہتک آمیز" ویڈیو کو مزید نشر نہ کیا جا سکے۔ واضح رہے کہ ریڈ چلیز انٹرٹینمنٹ بالی ووڈ کے مشہور اداکار شاہ رخ خان کی ملکیت ہے، اور گوری خان ان کی اہلیہ اور کمپنی کی اہم رکن ہیں۔