اداکار شراد کپور کی مدد کو سلمان خان اور سونو سود آگے آگئے، علاج اور کام میں تعاون کی یقین دہانی

ذرائع:

بالی ووڈ اداکار شراد کپور کی مدد کے لیے سلمان خان اور سونو سود آگے آگئے ہیں۔ فلموں میں کام نہ ملنے اور صحت کے مسائل سے دوچار اداکار شراد کپور نے حال ہی میں سوشل میڈیا پر ایک ویڈیو جاری کرتے ہوئے سلمان خان، شاہ رخ خان، اکشے کمار اور دیگر سینئر اداکاروں سے کام اور تعاون کی اپیل کی تھی۔ میڈیا رپورٹس کے مطابق سلمان خان نے شراد کپور سے رابطہ کرکے ان کی خیریت دریافت کی اور ہر ممکن تعاون کی یقین دہانی کروائی ہے۔ بعض



رپورٹس میں سلمان کی جانب سے مالی مدد فراہم کرنے کا بھی دعویٰ کیا گیا ہے۔ دوسری جانب سونو سود نے بھی ان کی مدد کے لیے قدم بڑھایا ہے۔ اطلاعات کے مطابق انہوں نے شراد کے علاج کے لیے ڈاکٹروں کی ٹیم اور طبی سہولیات کا انتظام کیا ہے۔ سونو سود کی جانب سے انہیں ممکنہ فلم پروجیکٹ میں کام دینے پر بھی بات چیت کی اطلاعات ہیں۔ شراد کپور کو بارسلونا میں فٹبال کھیلنے کے دوران ٹانگ میں شدید چوٹ لگی تھی۔ ڈاکٹروں نے انہیں صحت یاب ہونے کے لیے آرام کا مشورہ دیا ہے۔