میڈیکور اسپتال کے سامنے بینرس کے ذریعے ریونت ریڈی کو نشانہ، بی آر ایس کارکن گرفتار

ذرائع:

حیدرآباد: سکندرآباد کے میڈیکور اسپتال کے باہر بی آر ایس کارکنوں نے وزیراعلیٰ ریونت ریڈی کو نشانہ بناتے ہوئے پوسٹرس اور ’کانگریچولیشنز ریونت گارو‘ کے بینرس لگائے۔ بی آر ایس کارکنوں نے الزام عائد کیا کہ میڈیکور اسپتال وزیراعلیٰ ریونت ریڈی کے داماد سے متعلق ہے۔ بی آر ایس لیڈر منے کرشانک نے الزام عائد کیا کہ میڈیکور اسپتال کو 13,200 کروڑ روپے میں فروخت کرکے بلیک منی کو وائٹ منی میں تبدیل کیا گیا۔ انہوں نے دعویٰ کیا



کہ سابق وزیراعلیٰ کے سی آر کے دور میں 80 سے 90 فیصد مکمل ہونے والے TIMS اسپتالوں کو وزیراعلیٰ ریونت ریڈی نے شروع نہیں کیا، لیکن ان کے مطابق ان کے داماد کی شراکت داری والے میڈیکور اسپتالوں کا افتتاح کیا گیا۔ انہیں الزامات کے پس منظر میں ہی سکندرآباد کے میڈیکور اسپتال کے سامنے 13,200 کروڑ روپے کا ذکر کرتے ہوئے یہ بینرس لگائے گئے۔ اطلاعات کے مطابق  بی آر ایس کارکنان سائی کرن اور ونیتھ کو ٹاسک فورس نے بینرس لگانے کے معاملے میں گرفتار کرلیا۔