چیف منسٹر ریونت ریڈی کی گورنر سے ملاقات، مقررہ تاریخ سے قبل ایم ایل سی نامزدگیوں کی منظوری کی طلب

ذرائع؛

چیف منسٹر ریونت ریڈی نے گورنر شیوا پرتاپ شکلا سے ملاقات کی اور گورنر کوٹہ کے تحت زیر التوا دو ایم ایل سی ناموں کی منظوری دینے کی درخواست کی۔چیف منسٹر نے وزیر اقلیتی بہبود محمد اظہر الدین اور پروفیسر کودنڈارام  کے ناموں کو منظوری دینے کی اپیل کی۔ واضح رہے کہ اظہرالدین اس وقت کسی بھی ایوان کے رکن نہ ہونے کے باوجود وزیر



کے طور پر خدمات انجام دے رہے ہیں، جبکہ ان کے بطور وزیر 6 ماہ کی مدت اس ماہ کے اختتام تک یعنی 30 اپریل کو ختم  ہونے والی ہے۔آئینی تقاضے کے مطابق، کسی بھی وزیر کو چھ ماہ کے اندر کسی ایک ایوان کا رکن بننا ضروری ہوتا ہے۔ اگر گورنر کی منظوری نہ ملی تو 30 تاریخ کے بعد اظہرالدین کے عہدے سے محروم ہونے کا امکان ہے۔ اسی پس منظر میں چیف منسٹر نے گورنر سے ملاقات کی۔