ریونت ریڈی کا مودی حکومت پر الزام، خواتین ریزرویشن بل کو حد بندی کی سازش قرار

ذرائع:

چیف منسٹر ریونت ریڈی نے الزام عائد کیا ہے کہ  نریندر مودی  حکومت نے خواتین ریزرویشن بل کو خلوص نیت کے ساتھ پیش نہیں کیا اور اس کے نام پر حد بندی  کے نفاذ کی سازش کی گئی۔ دہلی میں میڈیا سے بات کرتے ہوئے انہوں نے کہا کہ تین مختلف بلوں کے نام پر دراصل آئین میں تبدیلی اور جنوبی ریاستوں کے ساتھ ناانصافی کی کوشش کی گئی، جسے اپوزیشن اتحاد نے لوک سبھا میں



ناکام بنا دیا۔ انھوں نے کہا کہ اپوزیشن کی یکجہتی نے مرکزی حکومت کو شکست دی ہے، جو سیاسی نہیں بلکہ بی جے پی کی پالیسیوں کی شکست ہے۔ریونت ریڈی نے کہا کہ خواتین ریزرویشن بل پہلے ہی منظور ہو چکا ہے اور معمولی ترامیم کے ساتھ اسے نافذ کیا جا سکتا ہے، لیکن حکومت نے اسے مؤخر کرنے کی کوشش کی۔ انہوں نے الزام لگایا کہ اگر بی جے پی کے پاس 400 سیٹیں ہوتیں تو وہ آئین میں تبدیلی سے بھی گریز نہ کرتی۔