تلنگانہ میں گرج چمک اور تیز ہواؤں کے ساتھ بارش کا امکان

تلنگانہ 15 مارچ 2026 (اعتماد نیوز) محکمہ موسمیات کے مطابق تلنگانہ میں اتوار اور پیر کے دن گرج چمک کے ساتھ ہلکی سے معتدل بارش ہونے کا امکان ہے۔ خاص طور پر ریاست کے شمالی اور مغربی اضلاع میں 30 سے 40 کلومیٹر فی گھنٹہ کی



رفتار سے تیز ہواؤں کے ساتھ بارش ہوسکتی ہے۔ موسمیاتی ماہرین کے مطابق مشرقی اور جنوب مشرقی سمت سے آنے والی مرطوب ہواؤں کے اثر سے یہ بارشیں متوقع ہیں، جس کے باعث ریاست کے کئی علاقوں میں صبح سے ہی آسمان ابر آلود اور موسم خوشگوار بنا ہوا ہے۔