قطب اللہ پور مجلس وفد کی ایم ایل سی مرزا ریاض آفندی سے ملاقات، ترقیاتی کاموں پر تبادلہ خیال

حیدرآباد: قُطبُ اللہ پور اسمبلی حلقہ کے مختلف ڈویژنس کے صدور اور کمیٹی ارکان نے دارالسلام پہنچ کر نومنتخب حلقہ انچارج ایم ایل سی مرزا ریاض الحسن آفندی سے ملاقات کی اور انہیں نئی ذمہ داری پر مبارکباد پیش کی۔ اس موقع پر ڈویژن صدور نے اپنے علاقوں میں جاری اور زیرِ التوا ترقیاتی کاموں کی تفصیلات پیش کیں اور عوامی ضرورت کے کاموں کو



ترجیحی بنیادوں پر مکمل کروانے کے لیے مؤثر نمائندگی کی اپیل کی۔ ذمہ داران نے مرزا ریاض الحسن آفندی کو مکمل تعاون کا یقین دلایا۔ مرزا ریاض الحسن آفندی نے بھی حلقہ کی ترقی اور عوامی مسائل کے حل کے لیے تمام ذمہ داران کے ساتھ مل کر کام کرنے کا عزم ظاہر کیا۔ اس موقع پر محمد منیر، محمد اکبر، عبدلعتیق، محمد جیلانی، محمد مجاہد و دیگر صدور و کارکنان بھی موجود تھے۔