تلنگانہ میں سرکاری اسپتالوں کی کارکردگی بہتر، ڈینگی، ملیریا اور ٹائیفائیڈ کے کیسز میں کمی

ذرائع:

وزیر صحت دامودَر راج نرسمہا نے پیر کے روز سکریٹریٹ میں تلنگانہ کے سرکاری اسپتالوں کی کارکردگی اور موسمی بیماریوں کی صورتحال کا جائزہ اجلاس منعقد کیا۔ اجلاس میں سکریٹری صحت ڈاکٹر کرسٹینا زی چونگٹو اور ڈائریکٹر آف پبلک ہیلتھ ڈاکٹر رویندر نائیک سمیت سینئر عہدیدار شریک ہوئے۔



افسران نے وزیر کو بتایا کہ رواں سال ڈینگی، ملیریا اور ٹائیفائیڈ کے کیسز میں پچھلے دو برسوں کے مقابلے میں نمایاں کمی ریکارڈ کی گئی ہے۔ گزشتہ سال جنوری سے ستمبر کے دوران چکن گنیا کے 361 کیسز سامنے آئے تھے، جب کہ اس سال اسی عرصے میں صرف 249 کیسز رپورٹ ہوئے۔ اسی طرح ملیریا کے کیسز 226 سے گھٹ کر 209 ہو گئے، جب کہ ٹائیفائیڈ کے مریض 10,149 سے کم ہو کر 4,600 تک آ گئے۔