عید سے قبل دہلی میں مسلمانوں کو مبینہ قتل کی دھمکیاں، اپوزیشن ارکانِ پارلیمنٹ کا امت شاہ کو خط

ذرائع:

عید کے موقع پر دہلی کے اتم نگر میں مسلمانوں کے قتل کی کھلی دھمکی اور دہلی پولیس کی مبینہ بے عملی  پر تشویش کا اظہار کرتے ہوئے اپوزیشن جماعتوں کے ارکانِ پارلیمنٹ نے مرکزی وزیر داخلہ امت شاہ کو مکتوب حوالہ کیا ہے۔ارکانِ پارلیمنٹ نے اپنے مکتوب میں کہا کہ عید کے موقع پر اتم نگر علاقے میں مسلمانوں کے خلاف مبینہ قتل کی دھمکیاں دی جا رہی ہیں، جو امن و امان کے لیے سنگین خطرہ ہیں،



اس لیے اس معاملے پر فوری توجہ دینا ضروری ہے۔مکتوب میں دہلی پولیس کی مبینہ بے عملی پر بھی سوال اٹھایا گیا اور وزیر داخلہ سے مطالبہ کیا گیا کہ وہ فوری مداخلت کرتے ہوئے دہلی پولیس کو سخت کارروائی کی ہدایت دیں تاکہ کسی بھی ناخوشگوار واقعہ کو روکا جا سکے۔یہ خط مختلف اپوزیشن جماعتوں کے ارکانِ پارلیمنٹ نے مشترکہ طور پر دستخط کر کے پیش کیا، جن میں جے ایم ایم، سی پی آئی ایم، سماجوادی پارٹی، آر جے ڈی، ڈی ایم کے اور این سی پی سمیت دیگر جماعتیں شامل ہیں۔