بینکوں کا این پی اے یوپی اے حکومت کا سب سے بڑ اگھپلہ۔ مودی

نئی دہلی، 13دسمبر :- وزیر اعظم نریندر مودی نے سرکاری بینکو ں کے غیر فعال اثاثوں(این پی اے) کو متحدہ ترقی پسند اتحاد(یو پی اے) حکومت کا سب سے بڑا گھپلہ قرار دیتے ہوئے آج کہا کہ ان کی حخومت بینکنگ میکنزم کو درست کرنے کا کام کررہی ہے۔

مسٹر مودی نے آج فکی کی 90ویں سالانہ عام میٹنگ کا افتتاح کرتے ہوئے کہا کہ یو پی اے کے دور حکومت میں کوئلہ اور ٹو جی جیسے



گھپلے تو ہوئے ہی تھے ساتھ ہی عام لوگوں کی بینکوں میں جمع گاڑھی کمائی کچھ چنندہ صنعت کاروں میں لٹا دی گئی جو آج این پی اے کی شکل میں موجود ہے۔

انہوں نے صنعتی تنظیموں پربھی طنز کرتے ہوئے کہا کہ ملک کے بینکنگ میکنزم کی خراب حالت سے سب واقف ہیں لیکن جب یو پی اے کے دور حکومت میں کچھ چنندہ کمپنیوں کو عام لوگوں کی گاڑھی کمائی دی جارہی تھی تب فکی نے اس پر کیا کوئی سروے کیا تھا۔