دہلی-این سی آر میں ہوا میں آلودگی کم کرنے کے لئے نتن گڈکری نے شاہراہوں کے پروجیکٹوں کو ہدایت دی

نئی دہلی؍10نومبر:-:سڑک ٹرانسپورٹ اور شاہراہوں، جہاز رانی، آبی وسائل ، دریا کی ترقی اور گنگا صفائی کے وزیر نتن گڈکری نے کہا کہ دہلی این سی آر کے آس پاس شاہراہوں کے پروجیکٹوں پر کام کرنے والے پروجیکٹ ڈائریکٹروں، ٹھیکے داروں اور فیلڈ میں کام کرنے والے عہدیداروں کو ہدایات جاری کی ہیں کہ وہ تعمیری کام سے پیدا ہونے والی آلودگی کو روکنے کے لئے سخت اقدامات کریں۔

اس سلسلے میں کئے جانے والے اقدامات میں تمام تعمیری



مقامات اور کیمپوں پر پانی کا چھڑکاؤ ، تعمیری سامان، کچرا اورفلائی ایش وغیرہ کو لانے لے جانے والے ٹرکوں کو ڈھکنا وغیرہ شامل ہے، تاکہ دھول کو اڑنے سے روکا جاسکے اور تمام تعمیراتی مقامات پر ہوا کے معیار کے ضابطوں پر پوری طرح عمل درآمد کیا جائے۔

فیلڈ میں کام کرنے والے عہدیداروں کو ہدایات دی گئی ہیں کہ وہ مسلسل تعمیراتی مقامات کی جانچ کریں اور اس بات کی یقینی بنائیں کہ آلودگی پر قابو پانے والے تمام اقدامات پر سختی سے عمل کیا جارہا ہے۔