ناگپور میں این جی او صدر گرفتار — خواتین کے ساتھ مبینہ جنسی زیادتی، مذہبی جبر اور سائبر اسٹاکنگ کے سنگین الزامات

ناگپور (20 اپریل 2026) ناگپور میں ایک غیر سرکاری تنظیم (NGO) کے صدر کو نوجوان خواتین کے ساتھ مبینہ جنسی زیادتی، مذہبی جبر اور سائبر اسٹاکنگ کے الزامات میں گرفتار کر لیا گیا ہے۔ ایف آئی آر کے مطابق، ملزم پر الزام ہے کہ وہ خاتون ملازمین کو ہراساں کرنے کے ساتھ ساتھ انہیں مذہبی رسومات ادا کرنے پر مجبور کرتا تھا اور سوشل میڈیا کے ذریعے ان کی نگرانی کرتا تھا۔



معاملے کی سنگینی کو دیکھتے ہوئے انٹیلی جنس ایجنسیوں نے اب اس این جی او کے پس منظر، مالی معاملات اور فنڈنگ کے ذرائع کی جامع تحقیقات شروع کر دی ہیں تاکہ کسی بھی مشکوک سرگرمی یا خفیہ ایجنڈے کا سراغ لگایا جا سکے۔مانکا پور پولیس اسٹیشن میں درج ایف آئی آر کے مطابق، یہ شکایت این جی او میں ایڈمنسٹریشن اور ایچ آر کی سربراہ کے طور پر کام کرنے والی ایک 23 سالہ خاتون نے درج کرائی ہے۔