تلنگانہ کی تمام عدالتوں میں 28 تاریخ کو قومی لوک عدالت کا انعقاد

ذرائع:

ریاست تلنگانہ میں سیول، ایکسائز مقدمات، مزدوروں کے تنازعات، ازدواجی معاملات اور این آئی ایکٹ کے تحت درج مقدمات کو باہمی رضامندی سے نمٹانے کے لئے اس ماہ کی 28 تاریخ کو ریاست کی تمام عدالتوں میں لوک عدالتیں منعقد کی جائیں گی۔تلنگانہ اسٹیٹ لیگل سروسز اتھارٹی کے رکن سکریٹری سی ایچ پنچاکشری نے جمعرات کو جاری ایک بیان میں بتایا کہ یہ پروگرام



قومی لوک عدالت کے حصہ کے طور پر منعقد کیا جا رہا ہے۔ ہائی کورٹ سے لے کر سب کورٹوں تک تمام عدالتوں میں ہونے والی ان لوک عدالتوں میں اپنے مقدمات حل کروانے کے خواہش مند افراد ضلع لیگل سروسز اتھارٹی کے چیرمین، نیا سیوا سدن اور منڈل لیگل سروسز کمیٹیوں سے رجوع کر سکتے ہیں۔انہوں نے واضح کیا کہ لوک عدالت میں اگر دونوں فریقین کی رضامندی سے کسی مقدمہ کا تصفیہ ہو جائے تو اس فیصلے کے خلاف اپیل کی کوئی گنجائش نہیں رہتی۔