نیشنل ہیرالڈ کیس: سونیا گاندھی اور راہول گاندھی کے خلاف ایف آئی آر درج

دہلی 30 نومبر 2025 (ذرائع) دہلی انفورسمنٹ ڈائرکٹوریٹ (ED) نے نیشنل ہیرالڈ کیس میں کانگریس کے سینئر قائدین سونیا گاندھی، راہل گاندھی، اور ینگ انڈیا ادارے سمیت دیگر افراد کے خلاف سازش اور منی لانڈرنگ کے الزامات پر نئی ایف آئی آر درج کی ہے۔ حکام کا الزام ہے کہ سونیا گاندھی اور راہل گاندھی کے زیر کنٹرول ینگ انڈیا نے دانستہ طور پر صرف 50 لاکھ روپے ادا کیے اور اس کے عوض نیشنل ہیرالڈ اخبار



شائع کرنے والی کمپنی ایسوسی ایٹڈ جرنلسٹ لمیٹڈ (AGL) کی 2,000 کروڑ روپے مالیت کی پراپرٹی پر کنٹرول حاصل کر لیا۔ چارج شیٹ کے مطابق کانگریس پارٹی نے پہلے AGL کو 90 کروڑ روپے کا قرض فراہم کیا، جس کے بعد ینگ انڈیا نے محض 50 لاکھ روپے ادا کر کے AGL کی جائیداد پر قبضہ کر لیا۔ ED نے پارٹی کے سینئر قائدین پر انتخابات میں ٹکٹ اور دیگر فوائد دینے کے عوض مختلف افراد سے غیر قانونی آمدنی حاصل کرنے کا الزام بھی لگایا ہے۔