ووٹ ڈالنے کی اجازت مسلم خاتون کو نہیں ملی:کرناٹک انتخابات

کرناٹک/12مئی(ایجنسی) کرناٹک میں اسمبلی انتخابات کیلئے ووٹنگ جاری ہے۔ الیکشن کیلئے ہر پولنگ بوتھ پر پختہ انتظامات کئے گئے ہیں ۔ حالانکہ بیلگاوی اسمبلی سیٹ کے پولنگ بوتھ سے ایک مسلم خاتون کا برقع اترانے کی خبر آئی ہے۔ 

در اصل ووٹ ڈالنے پہنچی مسلم خاتون سے برقع اتارنے کیلئے کہا گیا ، جس کی خاتون نے



شدید مخالفت کی ۔ اس کے بعد وہاں بھیڑ جمع ہوگئی ۔ 

حالات کو بے قابو ہوتے ہوئے دیکھ کر وہاں موجود سیکورٹی اہلکاروں متحرک ہوگئے ۔ وہیں پولنگ بوتھ پر تعینات ملازمین کا کہنا ہے کہ خاتون سے اس کی شناخت کی تصدیق کیلئے برقع اتارنے کو کہا گیا تھا ۔

کرناٹک کی 224 اسمبلی سیٹوں میں سے 65 پر مسلم رائے دہندگان فیصلہ کن حیثیت رکھتے ہیں۔ ریاست میں تقریبا 13 فیصد مسلم آبادی ہے۔