ممبئی میں شدید بارش پر ریڈ الرٹ، اسکول اور کالج بند، شہریوں کو گھروں میں رہنے کی ہدایت

ممبئی میں مسلسل جاری موسلادھار بارش کے پیش نظر محکمہ موسمیات  نے شہر کے لیے ریڈ الرٹ جاری کر دیا ہے۔ صورتحال کے مدنظر برہن ممبئی میونسپل کارپوریشن  نے تمام سرکاری و خانگی اسکولوں اور کالجوں میں تعطیل کا اعلان کیا ہے۔بی ایم سی نے کہا کہ طلبہ کی حفاظت کو مدنظر رکھتے ہوئے یہ



فیصلہ کیا گیا ہے اور شہریوں کو بھی ہدایت دی گئی ہے کہ انتہائی ضرورت کے بغیر گھروں سے باہر نہ نکلیں۔

گزشتہ ایک ہفتے سے ممبئی میں مسلسل بارش ہو رہی ہے، جبکہ کئی علاقوں میں 100 ملی میٹر سے زائد بارش ریکارڈ کی گئی ہے۔ تاہم حکام کے مطابق عوامی ٹرانسپورٹ، بشمول مضافاتی لوکل ٹرین خدمات، معمول کے مطابق جاری ہیں۔