مودی کی پرنب مکھرجی سے ملاقات

نئی دہلی، 28 مئی (ایجنسی) وزیر اعظم نریندر مودی نے منگل کو سابق صدر جمہوریہ پرنب مکھرجی سے ملاقات کی۔دوبارہ وزیر اعظم نامزد ہونے کے بعد مسٹر مکھرجی کے ساتھ یہ ان کی پہلی خیر سگالی ملاقات ہے۔

وزیر اعظم آج مسٹر مکھرجی کے گھر پہنچ کر ملاقات کی اور ان کی خیر وعافیت دریافت کی ۔ مسٹر مکھرجی نے مسٹر مودی کا تہہ دل سے استقبال کیا اور دونوں ایک دوسرے سے گرمجوشی سے ملے۔

وزیر اعظم نے مسٹر مکھرجی سے ملاقات کے بعد ٹویٹ کیا،’پرنب دا سے ملنا ہمیشہ ایک بہتر احساس رہتا ہے۔ ان کاعلم اور دور اندیشی کا کوئی ثانی



نہیں ہے۔ انھیں ایک ایسے سیاسی رہنما کے طور پر جانا جاتا ہے جنہوں نے ملک کے لیے بہت کام کیا ہے‘۔

وزیر اعظم نے ٹویٹر پر دو تصویریں بھی اپلوڈ کیں جن میں مسٹر مکھرجی گلدستہ دے کر ان کا گرمجوشی سے خیر مقدم کرتے ہوئے اور انھیں کچھ کھلاتے ہوئے نظر آرہے ہیں۔ انہوں نے کہا،’میں نے سابق صدر جمہوریہ سے ملاقات کرکے ان سے دعائیں(آشیرواد) لیں ہے۔ 

وزیر اعظم نامز ہونے کے بعد مسٹر مودی کی مسٹر مکھرجی سے یہ پہلی ملاقات ہے۔خیال رہے کہ مسٹر مودی 30 مئی کی شام سات بجے راشٹرپتی بھون میں وزیر اعظم کے عہدے کا حلف لیں گے۔