مودی نے جینیکوف سے کی دوطرفہ امور پر بات چیت

نئی دہلی 31، مئی ( ایجنسی) وزیر اعظم نریندر مودی نے جمعرات کو وزیر اعظم کے عہدے کا حلف لینے کے بعدکرغیزستان جمہوریہ کے صدر اور شنگھائی تعاون تنظیم ( ایس سی او ) کے صدر Sooronbay Jeenbekov سورنبائی جینیکوف کے ساتھ دو طرفہ امور پر بات چیت کی ۔مسٹر مودی نے ٹوئٹر پر لکھا’’Kyrgyzstan کرغیزستان جمہوریہ کے صدر سورو نبائی جینیکوف کے ساتھ بات چیت ہوئی ۔ اس دوران ہم نے دونوں ممالک کے درمیان دو طرفہ تعلقات اور آنے والے وقت



میں اقتصادی اور سماجی تعاون کو مضبوط کرنے کے تعلق سے تبادلہ خیال کیا‘‘۔ 

واضح ر ہے کہ مسٹر جینیکوف شنگھائی تعاون تنظیم کے صدر کے طور پر مسٹر مودی کی حلف برداری کی تقریب میں شامل ہوئے تھے۔ اس کے ساتھ ہی بنگال کی خلیج کے ساحلی اور سرحدی ممالک کی بین الاقوامی تکنیکی اور اقتصادی تعاون تنظیم بمسٹیك کے رکن ممالک بنگلہ دیش، بھوٹان، نیپال، سری لنکا، میانمار اور تھائی لینڈ کے لیڈر بھی مسٹر مودی کی حلف برداری تقریب میں شامل ہونے کے لئے ہندوستان آئے ہیں، جن کے ساتھ مسٹر مودی کی جمعہ کو ملاقات ہوگی۔