بورابنڈہ بستی دواخانہ کا دورہ، وزیر پونم پربھاکر نے صحت سہولیات کا جائزہ لیا

حیدرآباد: ضلع کلکٹر ڈاکٹر پریانکا الا نے ضلع انچارج وزیر پونم پربھاکر، رکن اسمبلی نوین یادو اور جی ایچ ایم سی کمشنر آر۔ وی۔ کرنن کے ہمراہ بورابنڈہ بستی دواخانہ کا دورہ کیا۔دورے کے دوران وزیر پونم پربھاکر نے خود شوگر، خون اور بلڈ پریشر کا ٹیسٹ کروایا اور عہدیداروں کو ہدایت دی کہ مریضوں کے لیے تمام



ضروری تشخیصی ٹیسٹ یقینی بنائے جائیں۔ انہوں نے او پی مریضوں کی تعداد میں اضافہ، مریض دوست خدمات، بنیادی سہولتوں اور ادویات کی ضروریات کو بہتر بنانے کی ہدایت دی۔وزیر نے بارش کے موسم میں موسمی بیماریوں سے نمٹنے کے لیے خصوصی تیاری رکھنے اور بستی دواخانوں میں فراہم کی جانے والی خدمات کی مسلسل نگرانی کرنے کی بھی ہدایت دی۔