وزیر اقلیتی بہبود محمد اظہرالدین کا امبرپیٹ مسلم قبرستان کا دورہ

وزیر  اقلیتی بہبود محمد اظہرالدین نے کہا ہے کہ امبرپیٹ مسلم قبرستان میں درپیش مسائل کو جلد حل کیا جائے گا۔ پیر کو مقامی افراد کی شکایت پر انہوں نے امبرپیٹ کے مسلم قبرستان کا دورہ کرکے وہاں کی صورتحال کا جائزہ لیا۔

وزیر نے کہا کہ قبرستان میں پلاسٹک کے کچرے کی بڑی مقدار جمع ہونے کے باعث تدفین کے



موقع پر شدید مشکلات پیش آ رہی ہیں۔ انہوں نے یقین دہانی کرائی کہ اس مسئلے کے حل کے لیے قبرستان میں ضرورت کے مطابق مورم اور مٹی ڈلوائی جائے گی تاکہ تدفین میں آسانی ہو۔انہوں نے مزید کہا کہ قبرستان میں برقی کے کھمبے نصب کرکے بجلی کی فراہمی کو یقینی بنایا جائے گا، جبکہ نماز اور دعاؤں کے لیے بھی ایک مناسب جگہ تیار کی جائے گی۔