ناشتہ اور دوپہر کے کھانے میں دودھ دیا جائےدیا:نائیڈو

نئی دہلی 07 ستمبر(یواین آئی)نائب صدر جمہوریہ ایم وینکیا نائیڈو نے بچوں میں غذائیت کی سطح میں اضافہ کرنے کے لیے ناشتہ اور دوپہر کے کھانے میں ان کو دودھ دینے کا مشورہ دیا ہے۔

نائب صدر نے یہ تجویز مرکزی وزیربرائے خواتین و بچوں کی ترقی اسمرتی ایرانی کے ساتھ پیر کے روز ایک ملاقات میں دی۔مرکزی وزیر نے نائب صدر جمہوریہ کو ان کی اس تجویز پر غور کرنے کی یقین دہانی کرائی۔انہوں نے کہا کہ مرکزی حکومت کو دیے جانے والے دوپہر کے کھانے میں دودھ کو شامل کرنے کے لیے ریاستوں کے ساتھ تبادلہ خیال کرے گی۔

اس سے مویشی پالنے اور ڈیری صنعت سکریٹری اتل چترویدی نے نائب



صدر جمہوریہ کے رہائش گاہ پر مسٹر نائیڈو سے ملاقات کی اور انہیں کورونا وبا کے دوران پولٹری وڈیری صنعت کے تحفظ کے لیے اٹھائے گئے اقدام سے آگاہ کرایا۔

مسٹر چترویدی نے بتایا کہ حکومت نے دودھ کوآپریٹو تنظیموں سے دودھ کی خرید میں اضافہ کیا ہے۔کوآپریٹو تنظیموں کو سستا سرمایہ بھی دستایب کرایا جارہا ہے۔انہوں نے بتایا کہ حکومت نجی حصے داری سے مویشی،بھیڑ اور بکری فارم تیار کرنے کا منصوبہ زیرغور ہے۔مویشیوں کی نسل میں بہتری کا پروگرام چلایا جارہا ہے۔

مرکزی حکومت بچوں اور خواتین میں غذائی قلت سے نمٹنے کے لیے ستمبر میں تیسرا قومی تغذیہ ماہ کا انعقد کررہی ہے۔