the etemaad urdu daily news
آیت شریف حدیث شریف وقت نماز

ای پیپر

To Advertise Here
Please Contact
editor@etemaaddaily.com

اوپینین پول

کیا آپ متحدہ عرب امارات میں آئی پی ایل میچز کے انعقاد کے فیصلے سے اتفاق کرتے ہیں؟

ہاں
نہیں
کہہ نہیں سکتے
سری نگر، 7 جولائی (یو این آئی) جنوبی کشمیر کے ضلع پلوامہ کے گوسو میں منگل کی علی الصبح چھڑنے والے ایک مسلح تصادم میں اب تک ایک جنگجو اور ایک فوجی اہلکار ہلاک جبکہ جموں وکشمیر پولیس کا ایک اہلکار زخمی ہوگیا ہے۔
پولیس کے ایک ترجمان نے بتایا کہ علاقے میں جاری آپریشن میں اب تک ایک جنگجو مارا گیا ہے جس کی شناخت معلوم کی جارہی ہے۔
سرکاری ذرائع نے بتایا کہ پلوامہ کے گاسو نامی علاقے میں جنگجوئوں کی موجودگی سے متعلق خفیہ اطلاع ملنے پر پلوامہ پولیس، فوج کی 53 آر آر اور سی آر پی ایف نے مذکورہ علاقہ کو منگل کی علی الصبح محاصرے میں لیکر تلاشی آپریشن شروع کیا۔
انہوں نے کہا کہ ایک مشتبہ جگہ کو محاصرے میں لینے کے دوران وہاں موجود جنگجوئوں نے فائرنگ کی جس کے نتیجے میں ایک فوجی اور ایک پولیس اہلکار شدید طور پر زخمی ہوئے۔
انہوں نے کہا کہ دونوں زخمیوں کو فوری طور پر ہسپتال منتقل کیا گیا جہاں فوجی اہلکار زخموں کی تاب نہ لاتے ہوئے دم توڑ گیا۔
ذرائع نے بتایا کہ ابتدائی فائرنگ کے بعد طرفین کے درمیان چھڑنے والے تصادم میں اب تک ایک جنگجو مارا گیا ہے جس کی شناخت معلوم کی جارہی ہے۔
انہوں نے مزید کہا کہ علاقے میں آپریشن جاری ہے۔
دریں اثنا مزید ایک جنگجو کی ہلاکت کے ساتھ وادی کشمیر میں رواں برس اب تک مارے جانے والے جنگجوئوں کی تعداد بڑھ کر 123 ہوگئی ہے۔ ان میں بعض اعلیٰ جنگجو کمانڈر بھی شامل ہیں۔

یو این آئی ظ ح بٹ

اس پوسٹ کے لئے کوئی تبصرہ نہیں ہے.
تبصرہ کیجئے
نام:
ای میل:
تبصرہ:
بتایا گیا کوڈ داخل کرے:


Can't read the image? click here to refresh
http://st-josephs.in/
https://www.darussalambank.com

موسم کا حال

حیدرآباد

etemaad rishtey - a muslim matrimony
© 2020 Etemaad Urdu Daily, All Rights Reserved.